Bordmèr Sin Filip - Pei Larénion

Zéne Pyé Zanbrovat

Zéne Pyé Zanbrovat dan Lakour planté natirèlman, san fimié, san langré, pwinn produi simik dosi. Mon min vèrt i fé son travay, in don zansèt.

© Félix Clain – Foto na pwin lo drwa ansèrvi

© Félix Clain - Photo non-libre de droit 

In pran lèr dann park palmié Dassy Tanpon - Péi Larénion

KOD 974 ALON DEGRINN ALI

Bann zartik té finé difizé dopi avan dosi bann Blog mwin la vé fé astèr zot i rotrouv dosi mon blog bann kozé mwin la romèt azour, mé lé touzour dan tan.

KOD 974 =

Lasistana - Dominasion - RSA - Réprésion - Lasimilasion - Zistis makro minm - Somaz andémik - Kolonizasion - La drog - Déportasion nout zénès - Lalkol an poundiak - Zabizèr - Sex an makotaz - Bann vandèrki - Mandisité - Larzan Gaspiyé - Lavi shèr -  Polision - Lo vis larzan - Pansé inik - Koripsion - Bordaz nout lidantité partou - Lanprofitaz - Bordaz nout lang kréol partou - Lanalfabétik  - Bordaz rénioné dan son péi - Konsomasion sovaz...

Alor dan Larénion lib indépandan sé fini èk tousala rès èk lo kod 974 sé kontinié é domann souplé é lès bana tié nout péi.

Po konèt : Kopiaz roprodiksion intèrdi. 

Si zot i ropran mon lartik po fé konèt oubli pa di ousa i sort mi kont si zot.

Po konèt :

Artrouv amwin osi dosi mon Shène Youtube dan longlé kominoté

https://www.youtube.com/@felixclain/community  

Monkozé

Nouvo labiyaz lansien Pon Larivièr Lès Sint-Roz – Péi Larénion

Mon Kozé Largé N° 4

Mon Kozé Largé lé in gobaz inndé kozé la kouyonialis, i sopas dan nout péi é in pé partou dan lo mond…

Mon Kozé Largé N° 4

Koméla i bati an makotaz partou dan lo péi, i mazine pi Larénion péi néna koudvan.

Bann fézèr batiman, fout minm pa konèt bann zone riské nout péi lé dodan.Ladi bati, aranz aryink po botan, oubli mové tan, apré trakamalèr sat lé dodan i goût la sose.

Domoun déor pli gabyé, rénioné zis po fé lo ta. Tank kolonial sra anfors, nou sra touzour dépandan zot.

Po konèt :

Kopiaz roprodiksion intèrdi.

Si zot i ropran mon lartik po fé konèt oubli pa di ousa i sort mi kont si zot.

Po konèt :

Artrouv amwin osi dosi mon Shène Youtube dan longlé kominoté

https://www.youtube.com/@felixclain/community

Mon Kozé Largé N°3

Mon Kozé Largé lé in gobaz inndé kozé la kouyonialis, i sopas dan nout péi é in pé partou dan lo mond…

Mon Kozé Largé N°3

Rodi po rodi i avans pa minm èk bann rézo kouran, dolo, intèrnèt néna isi Larénion, sakfwa néna gro mové tan tout i tomb an pane fasilman é lé in étèrnèl rokomansman,  anplis zot lapa organizé po done zinformasion ladi pèy é fèrm la boush. Modèrnité dizital lapo fout tout domoun dann fon... Larénion pankor pré posa. Kansala wa giny mèt anplas bann vré zoutiy byin sikirizé po arèt mèt bann konsomatèr dann malizé. Ek zot bann konbinézon tout avèk, kan néna koupir na pi riyin i marsh, si i ariv in gran malèr kisa lotèr, zot modèrnité wa fini par pèt dan zot gèl inn sékat tout wa kapot ansanm. 

Po konèt :

Kopiaz roprodiksion intèrdi. 

Si zot i ropran mon lartik po fé konèt oubli pa di ousa i sort mi kont si zot.

Po konèt :

Artrouv amwin osi dosi mon Shène Youtube dan longlé kominoté

https://www.youtube.com/@felixclain/community  

Mon Kozé Largé N°2

Mon Kozé Largé lé in gobaz inndé kozé la kouyonialis, i sopas dan nout péi é in pé partou dan lo mond…

Mon Kozé Largé N°2

Lavi domoun na pi valèr, koméla kan néna in koudvan i ariv, lamèt in not zalèrt anplas i apèl Violèt ''Kisa la done sa ankor'' . Kansa lé anklanshé po nout popilasion, bann sat i sékour domoun na pi lo drwa osi nir port sékour lé kalfétré. Lé vré sa i port sékour i pé pa mèt zot vi an danzé osi, mé si in moun lé an danzémor koman li fé, donk li atann son mor ou débrouy ali kom i pé. Koman sat i organiz sikirité domoun, i fui zot rèsponsabilité port sékour son popilasion. Pourtan zot i koné Larénion lé in péi koudvan, akoz i mèt pa anplas in brigad èspré komsa kan néna in gro koudvan èk lo van for èk matèryèl fé posa, i giny port sékour dan ninport mové tan, Matèryèl po fé la gèr giny fé ou po lité kont dann révolt néna. Alor mèt zalèrt là anplas lé in danzé po nout popilasion. Pli komik ankor zalèrt là, lé in port ouvèr pou tout sat i vé zot libèrté é mèt zot vi an danzé, kan lo sha i dor la souris i amiz...

Po konèt :

Kopiaz roprodiksion intèrdi. 

Si zot i ropran mon lartik po fé konèt oubli pa di ousa i sort mi kont si zot.

Po konèt :

Artrouv amwin tèrla osi dosi mon Shène Youtube onglé kominoté

https://www.youtube.com/@felixclain/community  

Mon Kozé Largé N°1

Mon Kozé Largé lé in gobaz inndé kozé la kouyonialis, i sopas dan nout péi é in pé partou dan lo mond…

Mon Kozé Largé N°1

Larénion péi koudvan 

Bann kazyé lapin fo arèt mèt ke fénèt lo vit, pars kan néna koudvan i ariv lé in danzé po domoun, fo mèt in fénèt po protèz labitasion domoun. 

Lo ban zimèb, lé fé vitfé an kolmataz, profèr pèy mwin shèr, olièk fé la kalité.

Bann zimèb koméla lapa bon po koudvan, lé zis bon po botan.

Fo bann gro zidé sèrvo, i arèt bati zimèb béton ninportkoman, dann péi koudvan. 

Létan mèt anplas, in not manir bati dan nout péi...

Po konèt :

Kopiaz roprodiksion intèrdi. 

Si zot i ropran mon lartik po fé konèt oubli pa di ousa i sort mi kont si zot.

Po konèt :

Artrouv amwin tèrla osi dosi mon Shène Youtube onglé kominoté

https://www.youtube.com/@felixclain/community  

Lé gayar zot tyinbo ansanm